Тропарь

Источник http://days.pravoslavie.ru/Days/20150817.html

Зраки изобразуя святых на дщицах, сих благодеяния спешно, яко искусен художник, всехвальне Алимпие, написовал еси на скрижалех твоего сердца и сего ради, аки образ, благолепне украшен, священства благодатию, аки златом, обложился еси от Христа Бога и Спаса душ наших.

Кондак, глас 2

От юности Божественное в себе имея начертание, вдан был еси в научение иконнаго написания; внегда небеси подобная Богородицы писашася церковь, ты таможе пособствовал и видел еси Духа Святого осияние, от Негоже приял еси чудес действо, яко иконы твоя Чудотворяху, тем тя чтим и ублажаем, чуднее Алимпие.