Тропарь

 Источник: "Полный тропарион для клироса и мирян", Издательство: Лодья, 2005 г.

Яже прежде безплодная, земле, ныне веселися: се бо Христос светильника в тебе показа, яве сияюща в мире и исцелевающа недуги и болезни наша. Сего ради ликуй и веселися со дерзновением: святитель бо есть Вышняго, сия соделовай.

Молитва святителю Игнатию Мариупольскому, митрополиту Готфейскому и Кафайскому

Источник http://www.sv-ignatiy.dn.ua/pokrovitel/ignatij_molitva

О, великий Святителю и молитвенниче всея земли Приазовския и града Мариуполя основателю, отче наш Игнатие!

Прими сие моление наше с любовию тебе приносимое. Ты бо имел еси попечение о еже спасати паству свою от погибели, и яко вторый Моисей извел еси люди греческия из рабства агарянскаго, из земли Крымския в землю сию. Изведи молитвами твоими, святителю Божий, и наши души из темницы греховныя, да не погибнем люте со беззаконьми нашими.

От юности Христа возлюбил еси, и Тому Единому до скончания жизни твоея с любовию послужил еси, и явился еси яко отец чадолюбивый, полагаяй душу свою за други своя. Милостивно призри на нас многогрешных, и молитвами твоими избави нас от соблазнов мира сего и козней диавольских. Вемы бо и усты исповедуем, яко воистину ты являешися теплый за нас ходатай и заступник пред Господем во спасение нас грешных.

Испроси нам от Господа, святыми твоими молитвами, вся яже на пользу душам и телесем нашим, дар коемуждо благопотребен, веру истинную, надежду твердую и любовь неоскудевающую, грехов наших истребление, мира умирение, от глада и пагубы избавление. Помози нам, святителю отче Игнатие, хранити веру православную в чистоте сердец наших и во исполнении заповедей Господних. Архиереем и пастырем нашим подаждь премудрость, чистоту и праведное житие, якоже и сам сими украшен был еси. Юным даждь воспитание благое, болящим здравие и скорбящим утешение, сущим в трудех помощь и укрепление, богатым смиренномудрие и ко ближним милосердие молитвами твоими даруй. Всех же нас укрепи иго Христово понести во благодушии, терпении и радости духовней, да сподобимся и мы с тобою вкупе наследниками Царствия Небеснаго быти и тамо со всеми святыми воспевати единаго в Троице покланяемаго Бога во веки веков.

АМИНЬ.

Как крестные ходы с иконой российского спецназа спасли Донецк от захвата

Зачем по ДНР везут мироточивую икону Божией Матери "Умягчение злых сердец"

Песчанская икона Божией Матери и судьба Российской Империи

Памятник архиепископу Иоанну Шанхайскому установили на его родине в Донецкой области

В музее Донецка открыли постоянную экспозицию с уникальными иконами

Собор Крымских святых

Жития священномучеников епископов Херсонесских

Подвиг святого Луки Крымского

6 удивительных мест православного Крыма