https://azbyka.ru/molitvoslov/molitva-vsem-svyatym-ot-veka-bogu-blagougodivshim.html

Тропарь, глас 4

И́же во всем ми́ре му́ченик Твои́х,/ я́ко багряни́цею и ви́ссом,/ кровьми́ Це́рковь Твоя́ украси́вшися,/ те́ми вопие́т Ти Христе́ Бо́же:/ лю́дем Твои́м щедро́ты Твоя́ низпосли́,/ мир жи́тельству Твоему́ да́руй,// и душа́м на́шим ве́лию ми́лость.

Кондак, глас 8

Я́ко нача́тки естества́, Насади́телю тва́ри,/ вселе́нная прино́сит Ти Го́споди богоно́сныя му́ченики./ Тех моли́твами в ми́ре глубо́це Це́рковь Твою́,// жи́тельство Твое́, Богоро́дицею соблюди́ Многоми́лостиве.

Источник изображения

https://www.pravmir.ru/den-vsex-svyatyx-istoriya-bogosluzhenie-ikony-propovedi-video/?ysclid=lgqfyfiw8s769076515

Молитва 1-я

К вам, о святи́и вси, я́ко путево́дным свети́льникам, дея́ньми свои́ми освети́вшим путь Небе́снаго восхо́да, аз многогре́шный смире́нно коле́на се́рдца моего́ преклоня́ю и из глубины́ души́ взыва́ю: умоли́те о мне Человеколю́бца Бо́га, да не попу́стит ми еще́ блужда́ти по распу́тиям греха́, но да просвети́т мои́ ум и се́рдце све́том благода́ти Своея́, я́ко да то́ю озаря́ем и подкрепля́ем, возмогу́ про́чее вре́мя земна́го жития́ пра́вою стезе́ю непреткнове́нно преити́ и хода́тайством ва́шим к Преблаго́му Го́споду сподо́блюся, поне́ вма́ле прича́стник бы́ти духо́вныя ва́шея трапе́зы в Небе́сном черто́зе Царя́ сла́вы. Ему́же со Безнача́льным Его́ Отце́м и Пресвяты́м, Благи́м и Животворя́щим Ду́хом бу́ди сла́ва, честь и поклоне́ние во ве́ки веко́в. Ами́нь.

 Источник изображения 

https://www.pravmir.ru/den-vsex-svyatyx-istoriya-bogosluzhenie-ikony-propovedi-video/?ysclid=lgqfyfiw8s769076515

Молитва 2-я

Бо́же Святы́й и на святы́х почива́яй, Трисвяты́м гла́сом на Небеси́ от Ангел воспева́емый и на земли́ от челове́к во святы́х свои́х хвали́мый, да́вый Святы́м Твои́м Ду́хом кому́ждо благода́ть по ме́ре дарова́ния Христо́ва и то́ю поста́вивый Це́ркви Твое́й Святе́й о́вы у́бо апо́столы, Овы же проро́ки, Овы же благове́стники, о́вы же па́стыри и учи́тели, и́хже сло́вом про́поведи, Тебе́ Самому́ де́йствующу вся во всех, мно́зи соверши́шася святи́и в ко́емждо ро́де и ро́де, разли́чными доброде́тельми благоугоди́вшии Тебе́, и о́браз нам до́брых подвиго́в свои́х оста́вивше, в ра́дости к Тебе́ преше́дшии, гото́ви су́ще, в не́мже са́ми искуше́ни бы́ша, и нам напа́ствуемым помога́ти! Сих святы́х всех воспомина́юще и их богоуго́дное житие́ похваля́юще, Тебе́ Сама́го в них де́йствовавшаго восхваля́ем, и о́нех благотворе́ния Твоя́ дарова́ния бы́ти ве́рующе, приле́жно мо́лим Тя, Свя́те Святы́х: даждь нам гре́шным после́довати их уче́нию, житию́, любви́, ве́ре, долготерпе́нию, и их моли́твенною по́мощию, па́че же Твое́ю вседе́йствующею благода́тию Небе́сныя с ни́ми сподо́битися сла́вы, хва́лящим Пресвято́е и́мя Твое́, Отца́, и Сы́на, и Свята́го Ду́ха, во ве́ки веко́в. Ами́нь.

Изображение взято по ссылке 

http://st-vera.orthodoxy.ru/images/icons/saints/all_saint.jpg

Акафист всем святым, от века Богу благоугодившим

Источник изображения

https://www.pravmir.ru/den-vsex-svyatyx-istoriya-bogosluzhenie-ikony-propovedi-video/?ysclid=lgqfyfiw8s769076515

Господь и демос

• < Назад
• Вперёд >